Mishon di AMIKESA:

 

Fundashon Amikesa ta un organisashon dedika na duna informashon, eduka i guia mucha i hoben adultu riba tereno di seksualidat, pubertat i genero pa promove desarojo sano di seksualidat, auto estima i moralidat.

Nos ta konsentra riba mucha for di 2 te ku 18 anja.

 

E informashon ta wordu duna di un forma interaktivo, netchi, leuk  i ku taktika, adekua i alkaso pa kada mucha su edat i desarojo general.

 

Tambe nos ta eduka e majornan pa nan por ta mas habri pa  preguntanan ku e junan ta bin kune i tambe pa por guia e junan pa tuma desishonan korekto.

 

Nos ta hasi esaki promedio di duna les na skolnan basiko i secundario, via charla, seminario, tayer i eventunan.

Ademas nos tin kursonan pa maestronan por inkorpora informashon di seksualidat den nan kurikulum di les. 

 

Fundashon AMIKESA ta saka diferente publikashon via folder, artikulo den korant i revistanan, flyers i otro medio nan di komunikashon manera radio, program di TV i facebook.

 

Vishon di AMIKESA:

 

Ku nos futuro lo ta mas briante ku hendenan eduka i ku menos trauma dor di esperesianan di abusu i negligensha, salimentu di estado di nos tienernan i hopi importante relashonan sano. Nos ke mira muchanan mas asertivo ku ta tuma inisitiva, ku no tin miedu di skohe i tuma desishon. I ku e eskogho hasi i desishonan tuma ta dor di konosementu i no dor di preshon di otro hende o ignoransha.

 

AMIKESA Kids Club:

 

E intenshon di kids club ta pa tuma un kantidat limita di mucha alabes i eduka mas profundo riba sierto materia i tambe inspira e muchanan pa nan ta mas konsiente di lokual ta rondo di nan i nan komunidat.

Pa mas infomashon klik aki.

 

Nos tin un lokalidat ku nos ta usa pa duna les i otro eventonan, kual ta masha priva i safe pa e muchanan.

Pero nos por duna nos servisionan na otro lokalidatnan tambe i pa otro gruponan abase di  petishon.

 

Nos ta traha of hasi sierto projekto nan ku otro organisashonan manera, Bos di hubentut, Slachoffer Hulp, Kinder Bescherming i Skuchami, ku tin i ta kere den e mes un kausa ku nos. 

 

Nos  entrada pa sustene e gastunan di operashon ta  bin for di sponsornan, miembresia, fundrasing i entrada minimo ku ta wordu kobra na sierto eventonan.

 

Pa mas informashon tuma kontakto ku nos libramente.